Parku Kombëtar i Dajtit ndodhet në lindje të kryeqytetit dhe ka një siperfaqe prej 3300 ha. Ai ndodhet në pjesën lindore të fushës së Tiranës, 26 km në lindje të kryeqytetit dhe 50 km nga aeroporti "Nënë Tereza". Tipike e Parkut te Dajtit është shtrirja e bimësisë me kate.
Ky park është një zonë shumë e frekuentuar nga pushuesit ditor. Ai konsiderohet "Ballkoni natyror i Tiranës". Ai ofron mundësi akomodimi për pushuesit. Aty mund te shkohet me teleferik, udhëtim i cili ofron një eksperience te veçante.