Shqipëria, zyrtarisht Republika e Shqipërisë (gegërisht: Shqipnía, ndërkombëtar: Albania), është shtet i pavarur në Evropën Juglindore. Shtrihet në pjesën perëndimore të Gadishullit Ballkanik dhe kufizohet në veriperëndim me Malin e Zi, në verilindje me Kosovën, në perëndim me Republikën e Maqedonisë dhe në jug me Greqinë. Në perëndim laget me detet Adriatik dhe Jon dhe ndodhet vetëm 78 km larg Italisë përgjatë ngushtesës së Otrantos. Shqipëria ka një sipërfaqe prej 28,748 km² dhe mbi 3.5 milion banorë, prej të cilëve mbi 900,000 banojnë në kryeqytetin dhe qendrën më të rëndësishme, Tiranën. 

Trashëgimtare e qytetërimit të lashtë ilir, Shqipëria ka shënuar një përparim të dukshëm ekonomik, shoqëror e kulturor pas shekujsh prapambetje nën Perandorinë Osmane dhe në regjime diktatoriale gjatë shek. XX. Pas rënies së rendit komunist më 1991, Shqipëria ka përjetuar një periudhë kalimtare të vështirë por të suksesshme drejt demokracisë së lirë dhe ekonomisë së tregut. Prej vitit 2009, Shqipëria  është  anëtare e NATO-s  dhe  kandidate për 
anëtarësim në Bashkimin Evropian. Shqipëria është dëshmuar faktor i rëndësishëm në ruajtjen e qëndrueshmërisë  rajonale, duke mbështetur pavarësinë e Kosovës dhe zgjidhjen e mosmarrëveshjeve politike në Ballkan. Ndërkaq, shteti shqiptar po gëzon përmirësim e zhvillim të turizmit; po ashtu, mban vendin e 25-të në botë për mirëmbajtjen e mjedisit. 

Shqipëria është zgjedhur një nga vendet më të mira për të kaluar pushimet në vitin 2011 nga disa gazeta të njohura nderkombetare. 

Kryeqyteti                         Tirana

Qyteti më i madh              Tirana

Gjuha zyrtare                   Gjuha shqipe

Pavarësia                         28 nëntor 1912

Festa kombëtare             28 nëntori

Forma e qeverisë           Republikë parlamentare

Kryetari i shtetit              Bamir Topi

Kryeministri                    Sali Berisha

Sipërfaqja                       Vëndi i 139-të
– totale                           28 748 km² 
– % ujë                            4.7 % 

Kufiri                              720 km

ZEE                                 3 768 km²

Popullsia (2010)           Vëndi i 126-të  
–  totale                         3 194 972  banorë 
–  dendësia                   111.3 banorë/km² 

IZHNJ (2010)                  0.719

Valuta                             Leku

Targat e automjeteve  AL

Prefiksi telefonik         00355

Prefiksi radiofonik       ZAA-ZAZ

Kodi i internetit           .al

Kodi ISO 3166-1            008 / ALB / AL

Anëtarësimi                  Këshilli i Evropës
                                      NATO
                                      OKB
                                      OSBE